ගැහැනියකට හෝ පිරිමියෙකුට තමා සොයනා ආදරය ලැබෙන්නේ ජීවිතයේ බොහෝ විට එක්වරකි.
එය සතුකර ගැනීමටද බොහෝ දුරට නොහැකිවේ.
ඒ නිසාමදෝ ඒ ආදරය විරහ වේදනාව මුසු සියුම් මතකයන් වලින්
සිත පුරවාලයි.
කිසිදා කිසිවෙකු කිසිවෙකුටවත් අයිති කරගත නොහැකි බව සත්‍යයක් වුවද,
අයිති කරගැනීමට නොහැකිවීමට වඩා අන්සතුවීම සිත තැවෙයි.
ආදරය හිමිකරගතයුතුම නොවන බවත්, ආදරය යනු විඳිය යුත්තක් බවත් තවත් කෙනෙකුට කිවහැකිය.
එනමුදු තුවාලයෙහි වේදනාව දැනෙන්නේ එය ඇති කෙනාම පමණි.
දැඩි ආදරයකින් වෙන්වීමේ දුක කෙතරම් වේදනාවක්ද...
නමුත් එම වේදනාව දරුණු ලෙස සිත පෑරුවද තවත් විටෙක ඒ වේදනාව නිරාමිස සුවයක් සිතට ගෙනෙයි.
නොලැබීම සිත සිතා කල් නොගෙවන්න. ලැබී ඇති දෙයින් සතුටුවන්න.
ජිවීතයේ ලැබීම නොලැබීම සියල්ලක්ම දුකක්ම පමණි.
කෙනෙකු උපදින මොහොතේ සිට මියයාම දක්වාම ඇත්තේ දුක සතුට වේදනාවම පමණි.
සතුටම පමණක්වත්, දුකම පමණක්වත් ලැබිය නොහැක.
සුළඟ වැනි දුක හඹාගිය පසු ඒ පසුපසම සතුටද සුළඟක් මෙන්ම පැමිණේ.
එබැවින් සියල්ල පිලිබඳ නිවැරදි අවබෝධයකින් යුතුව ඉදිරියට තබන පියවර ආපස්සට නොතබා ඉදිරියටම පියනැගිය යුතුය.
හෙටදින සතුටින් ගෙවන්නටනම් අද දිනයේ තීරණ ධනාත්මක විය යුතුමය.
lassanay
ReplyDelete